غزہ شہر کے شیخ رضوان محلے میں اسرائیلی ڈرون نے "عمر” فارمیسی کے قریب حملہ کیا، جس کے نتیجے میں 13 افراد زخمی ہو گئے، جن میں بڑی تعداد معصوم بچوں کی شامل ہے۔
ذرائع کے مطابق اسرائیلی ڈرون طیارے نے گنجان آباد علاقے کو نشانہ بنایا، جس سے متعدد شہری زخمی ہوئے اور ان میں بچوں کی تعداد نمایاں ہے۔ زخمیوں کو طبی امداد کے لیے ہسپتال منتقل کر دیا گیا ہے۔
غزہ میں جاری اسرائیلی حملوں میں شہری آبادی کو سب سے زیادہ نقصان پہنچ رہا ہے اور انسانی حقوق کی تنظیمیں بار بار شہریوں کی حفاظت کی اپیل کر رہی ہیں۔