فلسطین سے غداری کرنے والے اسرائیلی ایجنٹ کا عبرتناک انجام

خان یونس میں مزاحمت کاروں کی ایک منظم کارروائی کے نتیجے میں قانون شکن گروپ کے اہم کارندے ریاض الشقرہ کو ہلاک کر دیا گیا ہے۔ ریاض الشقرہ حسام الاسطل (ابو سیون) ملیشیا کا سرکردہ رکن تھا جو مزاحمت کاروں کے بچھائے گئے جال میں پھنس کر مارا گیا۔ جھڑپ اور ملیشیا کے متعدد ارکان کی ہلاکت کے بعد، گروہ نے اس ہلاکت کو چھپانے کی کوشش کی اور دو دن بعد لاش کو "مفترق العلم” کے قریب پھینک دیا۔ ملیشیا کی جانب سے یہ دعویٰ بھی کیا گیا کہ موت "سکتہ قلب” (ہارٹ اٹیک) کے باعث ہوئی تاکہ خاندان کو لاش وصول کرنے پر آمادہ کر کے اس کی غداری پر پردہ ڈالا جا سکے، تاہم الشقرہ کے خاندان نے ایک مضبوط قومی موقف اختیار کرتے ہوئے لاش وصول کرنے اور تعزیت کے لیے بیٹھنے سے صاف انکار کر دیا۔ خاندان کا کہنا ہے کہ وہ ایسے شخص سے کوئی تعلق نہیں رکھنا چاہتے جس نے اپنے ہی عوام کے خلاف اسرائیلی قبضے کے آلہ کار کے طور پر کام کرنا پسند کیا۔