غزہ شہر کے مشرقی حصے میں واقع الشوا اسکوائر کے قریب ایک اسرائیلی ڈرون حملے کے نتیجے میں چار فلسطینی شہید اور متعدد زخمی ہو گئے ہیں۔
موصولہ اطلاعات کے مطابق، ایک جاسوس طیارے نے شہریوں کے ایک گروپ کو میزائل سے نشانہ بنایا۔طبی ذرائع اور مقامی خبر رساں اداروں نے جاں بحق ہونے والے افراد کی شناخت درج ذیل ناموں سے کی ہے:
۱۔ احمد ابو شاویش
۲۔ محمد السويرکی
۳۔ رمزی الشوا
۴۔ مصطفیٰ السکنی
اس واقعے کے حوالے سے ایک انتہائی افسوسناک تفصیل یہ سامنے آئی ہے کہ جاں بحق ہونے والے نوجوان احمد ابو شاویش کی دو دن بعد شادی طے تھی اور انہیں دولہا بننا تھا، مگر وہ اس حملے میں اپنی جان سے ہاتھ دھو بیٹھے۔ مقامی سطح پر اس واقعے کے بعد شدید غم و غصے کی لہر دوڑ گئی ہے۔